Oʻzbekistonda haj mavsumi 4 iyundan boshlanadi
Maʼlum qilinishicha, 4 iyundan 19 iyunga qadar Oʻzbekiston boʻylab 10 ta aeroportdan har kuni 4 tadan reys Saudiya Arabistoniga uchadi.
Din ishlari boʻyicha qoʻmita Oʻzbekistonda haj mavsumi qachon boshlanishi boʻyicha maʼlumot berdi.
Maʼlum qilinishicha, 4 iyundan 19 iyunga qadar Oʻzbekiston boʻylab 10 ta aeroportdan har kuni 4 tadan reys Saudiya Arabistoniga uchadi. Oʻtgan yillarda ziyoratchilar respublikaning 7 ta hududiy aeroportlaridan kuzatilgan boʻlsa, bu yil yanada qulaylik yaratish maqsadida Oʻzbekistonning 10 ta hududiy aeroportlaridan — Toshkent-Madina, Buxoro-Madina, Namangan-Madina, Fargʻona-Madina, Samarqand-Madina, Qarshi-Madina, Termiz-Madina Urganch-Madina, Nukus-Madina va Navoiy-Madina yoʻnalishlari boʻyicha ziyoratchilar haj safariga kuzatiladi.
“Haj” va “Umra” tadbirlarini tashkil etish va oʻtkazish boʻyicha Respublika Jamoatchilik kengashi “Haj – 2023” mavsumiga tayyorgarlik ishlarini turli yoʻnalishlarda amalga oshirilmoqda. Jumladan, ziyoratchilarni guruhlarga ajratish, ellikboshilar biriktirish, ularning malakasini oshirish, shifokorlash ajratish, oshpazlarni jalb etish ishlari yakuniga yetkazildi. Saudiya Arabistonida dastlabki ishchi guruh mavsumga tayyorgarlikni olib bormoqda, deyiladi xabarda.