Eron-Afgʻoniston chegarasida toʻqnashuv sodir boʻldi
Ikki mamlakat oʻrtasidagi otishmada kamida uch kishi halok boʻlgan. Shuningdek, bir necha kishi jarohatlangani aytilmoqda.
Eron va Afgʻoniston oʻrtasidagi chegara posti yaqinida otishma sodir boʻldi. Oqibatda ikki eronlik chegarachi va bir “Tolibon” jangchisi halok boʻldi. Bu haqda Reuters xabar berdi.
Manbada aytilishicha, bir necha kishi ham jarohatlangan hodisaga nima sabab boʻlgani hozircha aniq emas. Ammo bu ikki davlat oʻrtasidagi kelishmovchilik suv huquqlari boʻyicha keskinlik sabab yuzaga kelgani aytilmoqda.
Tehron Afgʻonistondagi “Tolibon” hukumatini Hilmand daryosidan Eronning qurib qolgan sharqiy hududlariga suv oqimini cheklab, 1973 yilda tuzilgan shartnomani buzganlikda ayblagan, “Tolibon” esa ushbu ayblovni rad etgan.
“Bugun Nimroz viloyatida Eron chegara kuchlari Afgʻonistonga qarata oʻt ochdi, bu esa qarshi javob bilan kutib olindi. Hozir vaziyat nazorat ostida. Islom Amirligi oʻz qoʻshnilari bilan jang qilishni istamayapti”, degan “Tolibon” Ichki ishlar vazirligi matbuot kotibi Abdul Nafi Takor.
