TATU rektori oʻziga yangi Equinox soʻrab oldi
Bildirgida 4 ta Lacetti, 1 ta Hyundai Elantra va 1 ta Malibu-2 eskirgani va shuning uchun koʻp benzin sarf qilayotgani yozilgan.
Toshkent axborot texnologiyalari universiteti rektori B.Mahkamov Raqamli texnologiyalar vaziriga bildirgi yozib, oʻziga yangi Equinox sotib olib berishni soʻragan.
Bildirgida yozilishicha, universitet hisobidagi 6 ta mashina eskirgan. Jumladan, 4 ta Lacetti, 1 ta Hyundai Elantra va 1 ta Malibu-2 eskirgani va shuning uchun koʻp benzin sarf qilayotgani yozilgan.
Shu maqsadda rektor vazirdan 2 ta yangi mashina olib berishni soʻragan. Vazirlik esa hozircha 472,5 mln. soʻmlik bitta Equinox xarid qilgan.