Tadbirkorlardan badal soʻrab kelgan yirik jinoiy guruh ushlandi
Bu haqda Fargʻona viloyati Margʻilon shahrida roʻyxatdan oʻtgan MChJ masʼul xodimlari ichki ishlarga murojaat qilib, turli tazyiqlar boʻlganini bildirgan.
Qishloq xoʻjaligi mahsulotlarini chet elga eksport qiluvchi tadbirkorlardan badal toʻlashni talab qilib kelgan jinoiy guruh qoʻlga olindi.
Aytilishicha, 2018 yildan beri Moskvada faoliyat yuritayotgan tashkilot vakillari eksport tariqasida yuborilayotgan qishloq xoʻjaligi mahsulotlarining har bir kilosidan olingan foyda hisobidan 40 sentdan badal soʻragan.
Bu haqda Fargʻona viloyati Margʻilon shahrida roʻyxatdan oʻtgan MChJ masʼul xodimlari ichki ishlarga murojaat qilib, turli tazyiqlar boʻlganini bildirgan.
Ushbu guruh Rossiyaga yuborilgan jami mahsulotlardan kelib tushgan foydadan jami 15 126 dollar miqdoridagi pullarni talab qilgan.
2023 yil 23 mayda oʻtkazilgan tezkor tadbirda Toshkentdagi restoranda talab qilingan pullarni tovlamachilik qilib olgan shaxslar ashyoviy dalillar bilan ushlangan.
Ularga nisbatan Jinoyat kodeksining tegishli moddasi bilan jinoiy ish ochilgan va gumondorlar qoʻlga olingan.