Florida shtati gubernatori Ron DeSantis AQSh prezidentligiga nomzodini qoʻydi
AQShning Florida shtati gubernatori Ron DeSantis AQSh Federal saylov komissiyasiga 2024 yilgi prezidentlik saylovlari uchun nomzodlik arizasini topshirdi. Associated Press nashri shu haqda xabar bergan.
Associated Press ga koʻra, gubernator oʻzining prezidentlik poygasiga qoʻshilishi haqida biznesmen Ilon Mask bilan Twitter Spaces platformasida jonli efir chogʻida rasman eʼlon qiladi.
Bu yil 44 yoshga toʻladigan Ron DeSantisning AQSh Respublikachilar partiyasidagi obroʻsi kun sayin oshib bormoqda. U 2015 yildan 2018 yilgacha AQSh Vakillar palatasining aʼzosi, keyinroq Florida gubernatori boʻlgan. DeSantis 2022 yilda gubernator sifatida bir qator qonunlarni, jumladan, abortlarni cheklash, qurol olib yurishni osonlashtirish va transgenderlik operatsiyalarini taqiqlovchi qonunlarni imzolagan. Saylovda u 20% koʻp ovoz bilan ikkinchi muddatga qayta saylandi.
Prezidentlik saylovlarida Respublikachilar partiyasidan koʻrsatiladigan nomzodlik uchun kurashda DeSantisga AQShning sobiq prezidenti Donald Tramp raqiblik qiladi
