Namanganda Nexia-2 haydovchisi ikki piyodani urib yubordi
Ushbu voqea natijasida piyodalar ogʻir tan jarohati bilan shifoxonaga yotqizilgan. Koʻrsatilgan tibbiy yordamga qaramay ulardan biri vafot etgan.
Namangan viloyati IIB matbuot xizmatining xabariga koʻra, 24 may kuni soat 22:45 larda Davlatobod tumani "I.Karimov" koʻchasida 1998 yilda tugʻilgan fuqaro Nexia-2'ni boshqarib ketayotib harakat xavfsizligini taʼminlay olmasdan yoʻlning chap tomonidan oʻng tomoniga oʻtayotgan 1999 va 2002 yilda tugʻilgan piyodalarni urib yuborgan.
Hodisa oqibatida piyodalar ogʻir tan jarohati bilan shifoxonaga yotqizilgan. Ammo koʻrsatilgan tibbiy yordamga qaramay ulardan biri vafot etgan.
Mazkur holat yuzasidan Namangan shahar IIO FMB huzuridagi Tergov boʻlimi tomonidan Jinoyat kodeksining 266-moddasi 2-qismi bilan jinoyat ishi qoʻzgʻatilib, tergov harakatlari olib borilmoqda.
