Qirgʻizistonda chegarada oʻzbekistonliklardan pul undirib kelgan 4 nafar harbiy qoʻlga olindi
Qirgʻiziston Milliy xavfsizlik davlat qoʻmitasi chegarada Oʻzbekiston fuqarolaridan pul undirib kelgan harbiylarni ushladi.
Qirgʻiziston Milliy xavfsizlik davlat qoʻmitasi maxsus boʻlinmalari tomonidan Oʻzbekiston bilan chegara hududida toʻrt nafar harbiy qoʻlga olindi. Bu haqda Qirgʻiziston Milliy xavfsizlik davlat qoʻmitasi xabar berdi.
Xabarda aytilishicha, "Qaytpas" va "Oʻtukchu" nazorat-oʻtkazish punktlari xodimlari chegaradan oʻtayotgan odamlarni ataylab chorasiz vaziyatga solib, doimiy ravishda pora undirishgan.
Ular Qirgʻiziston-Oʻzbekiston davlat chegarasidan muammosiz oʻtish uchun fuqarolardan 50 dan 1000 somgacha (taxminan 6 mingdan 130 ming soʻmgacha) boʻlgan miqdorda pul talab qilgan.