Vazirlar va hokimlar AKTga oʻqitiladi
Malaka oshirish bilan bogʻliq barcha xarajatlar ularni yuborgan davlat organlarining mablagʻlari hisobidan qoplanadi.
2023 yil 1 avgustdan davlat organlarining birinchi rahbarlari raqamli texnologiyalar boʻyicha Davlat boshqaruvi akademiyasida qisqa muddatli kurslarda oʻqitiladi.
Bu haqda 20 mayda imzolangan hukumat qarorida soʻz borgan. Qarorga muvofiq, 2023 yil 1 iyuldan davlat organlarining AKT sohasiga maʼsul xodimlari 3 yilda bir marta malakasini oshiradi.
Malaka oshirish kursi 24 soatdan kam boʻlmasligi lozim, kursni taʼmomlagan xodimlar ikki oyda reyting baholashdan oʻtkaziladi. Malaka oshirish bilan bogʻliq barcha xarajatlar ularni yuborgan davlat organlarining mablagʻlari hisobidan qoplanadi.
Shuningdek, xodimlar malakasini oshirishga Raqamli texnologiyalar vazirligi masʼul hisoblanadi.