Toshkentda yoʻlovchi avtobus yonib ketdi

Toshkent shahri Yashnobod tumanida avtobus yonib ketdi. Bu haqda Favqulodda vaziyatlar vazirligi xabar berdi.

Maʼlum qilinishicha, 21 may kuni soat 16:40 da Yashnobod tumani Maxtumquli koʻchasidagi bekatda 96-sonli avtobus yoʻnalishida harakatlangan Mercedes-Benz avtobusida yongʻin sodir boʻlgan.

Shunga koʻra, 2 ta yongʻin-qutqaruv ekipaji soat 16:45 da hodisa joyiga yetib borib, yongʻin soat 16:50 da oʻchirilgan.

Hodisa oqibatida tan jarohati olgan va halok boʻlganlar yoʻq.

Yongʻin sababi va moddiy zarar miqdori aniqlanmoqda.