JCh-2023. Bugun musobaqaga start beriladi
Oʻzbekiston yoshlar terma jamoasi mezbon Argentinaga qarshi maydonga tushadi.
Bugun Argentinada futbol boʻyicha yoshlar oʻrtasida jahon chempionati boshlanadi.
Unda Osiyo chempionlari Oʻzbekiston yoshlar terma jamoasi A guruhidan oʻrin olgan boʻlib, ularning ilk oʻyini mezbon Argentinaga qarshi kechadi. Aslida bu rasmiy ochilish oʻyini hamdir.
1-tur oʻyinlari bugun Toshkent vaqti bilan soat 23:00 da start oladi. Oʻzbekiston oʻyini soat 02:00 ga belgilangan.
Maʼlumot uchun, barcha oʻyinlar Uzreport TVda jonli namoyish etiladi.