Samarqandda er ikki bolasining joniga qasd qildi
Bunga erkakning Rossiyada ishlab yurgan ayolining xiyonati sabab ekanligi aytilmoqda.
2023 yil 17 may kuni soat 03:00 larda Toyloq tumani yashovchi 39 yoshli erkak Rossiya Federatsiyasiga ishlash uchun ketgan turmush oʻrtogʻini begona shaxslar bilan ishqiy munosabatda boʻlganligi haqida video tasvirlarini koʻrib, u bilan telefon orqali janjallashgan. Bu haqda Bosh prokuratura matbuot kotibi Xayot Shamsutdinov Platina.uz'ga xabar berdi.
Soʻng, u turmush oʻrtogʻidan qasd olish maqsadida yashash uyida uxlab yotgan 2 nafar voyaga yetmagan oʻgʻilini (2015 va 2017 y.t.) qasddan oʻldirgan va tuman IIBga kelib bu haqida maʼlum qilgan.
Mazkur holat yuzasidan JKning 97-moddasi 2-qismi “a,v” bandlari bilan jinoyat ishi qoʻzgʻatildi.
Gumonlanuvchi protsessual tartibida ushlangan.