Telegramda fuqarolarning shaʼni va qadr-qimmatini kamsituvchi video joylashtirib kelgan guruh qoʻlga olindi
"Telegram" messendjerida "Hello Tashkent, salam Tashkent" nomli kanal va guruhlarni tashkil etib, ularga fuqarolarning shaʼni va qadr-qimmatini kamsituvchi video tasvirlarni joylashtirib kelganlar aniqlandi. Kiberxavfsizlik markazi fuqarolarga murojaat bilan chiqdi.
IIV Tezkor-qidiruv departamenti Kiberxavfsizlik markazi tomonidan "Telegram" messendjerida "Hello Tashkent, salam Tashkent" nomli kanal va guruhlarni tashkil etib, ularga fuqarolarning shaʼni va qadr-qimmatini kamsituvchi video tasvirlarni joylashtirib kelgan guruh aniqlanib, qoʻlga olindi.
Guruh va kanal boshqaruvchilari joylangan tasvirlarni oʻchirish evaziga tovlamachilik yoʻli bilan fuqarolardan pul talab qilib kelgan. "Hello Tashkent, salam Tashkent" guruh va kanallaridan jabrlangan fuqarolar 102 qisqa raqami yoki +998991176087 raqamlari orqali xabar berishlarini soʻralmoqda.
"Maʼlumot bergan fuqarolarning shaxsi sir saqlanishi kafolatlanadi", deyiladi xabarda.