Namanganda maktab oʻquvchisi istirohat bogʻida vafot etdi
Mazkur holat yuzasidan jinoyat ishi qoʻzgʻatildi.
Tarmoqlarda Namanganda maktab oʻquvchisi attaraksionda jarohat olib, vafot etgani xaqida video tarqaldi.
Bosh prokuratura ushbu holat 14 may kuni soat 11:30 larda sodir boʻlganini maʼlum qildi.
Aniqlanishicha, 12 yoshli bola Namangan shahardagi istirohat bogʻidagi attaraksionda aylangan vaqtida bosh qismidan tan jarohati olib vafot etgan.
Mazkur holat yuzasidan prokuratura tomonidan Jinoyat kodeksining 257-moddasi (Mehnatni muhofaza qilish qoidalarini buzish) bilan jinoyat ishi qoʻzgʻatilgan.
Namangan shahar IIO FMB TB tomonidan tergov harakatlari olib borilmoqda.