Har yili oilaviy tadbirkorlikka 13 trillion soʻm kredit va 1,5 trillion soʻm subsidiyalar ajratilmoqda
Natijada oʻtgan yili 1 million nafar, 2023 yilning birinchi choragida 210 ming aholi kambagʻallikdan chiqarildi.
Bu haqda ayni paytda Prezident raisligida boʻlib oʻtayotgan kambagʻallikni qisqartirish va aholi bandligini taʼminlashda yangi bosqichga oʻtish masalalariga bagʻishlangan videoselektor yigʻilishida Shavkat Mirziyoyev maʼlum qildi.
Qayd etilishicha, “Uchta daftar” va Ijtimoiy himoya reyestri orqali 2,3 mln muhtoj oilalar, xotin-qizlar, yolgʻiz keksalar va nogironligi boʻlgan vatandoshlarimiz moddiy yordam bilan toʻliq qamrab olingan.