21 ta holat, 107 nafar jabrlanuvchi, 2 ta oʻlim...
Oziq-ovqat xavfsizligi tahlillariga koʻra, Oʻzbekistonda oʻtgan yili 65 ta ovqatdan zaharlanish kuzatilgan boʻlsa, 518 nafar jabrlangan fuqarolarning 194 nafari bolalardir. Zaharlanish eng koʻp uy sharoitida kuzatilgan. Joriy yilning oʻtgan davri tahlillari ham quvonarli emas.
Sanitariya-epidemiologik osoyishtalik va jamoat salomatligi qoʻmitasi raisi oʻrinbosari Nurmat Atabekovning maʼlum qilishicha, 2023 yilning oʻtgan davri mobaynida 21 ta holatda 107 nafar ovqatdan zaharlandi. Ularning 22 nafari bolalardir. 2 nafar fuqaro vafot etgan.
Ovqatdan zaharlanishning 2 holatida umumiy ovqatlanish shoxobchalarida, yaʼni bir zumda tayyorlanadigan “Lavash”, “Burger” va shu kabi tezpishar mahsulotlarni tayyorlash jarayonida ularning texnologiyasiga rioya etilmaganligi oqibatida kuzatilgan.