JCh-2023. Ikki nafar bokschimiz navbatdagi oltin medallarga ega boʻlishdi
Yana bir oʻzbekistonlik bokschi Oybek Joʻrayev finalda magʻlubiyatga uchrab, kumush medali hamda 100 ming AQSh dollari mukofotini qoʻlga kiritdi.
Toshkentda oʻtayotgan boks boʻyicha jahon chempionatida soʻnggi kungi final bahslari boshlandi.
Oʻzbekistonlik bokschilardan -54kg vazn toifasida Oybek Joʻrayev qozogʻistonlik Mahmud Sabirxanga yutqazib, kumush medalga sazovor boʻldi.
-57 kg vaznda Abdumalik Halokov esa kubalik Saidel Hortadan 5:0 hisobida ustun kelib, Oʻzbekiston hisobiga 4-oltin medalni keltirdi.
-63,5 kg vazn toifasida jahon chempionati final jangi oʻtkazildi. Unda Oʻzbekiston vakili Ruslan Abdullayev moʻgʻulistonlik Chinzorig Batarsuxga qarshi jang qildi. Hakamlar yakunda Abdullayev gʻalaba qozonganini qayd etdi.
Shu tariqa Abdullayev JCh—2023 da Oʻzbekiston hisobiga 5-oltin medalni yozib qoʻydi. U, shuningdek, oltin medal uchun 200 ming dollarga ega chiqdi.