Jamoatchilik fikri asosida "Obod qishloq" va "Obod mahalla" dasturlari qanday amalga oshadi?
Iqtisodiyot va moliya vazirligi jamoatchilik fikri asosida "Obod qishloq" va "Obod mahalla" dasturlarini amalga oshirish tartiblarini tushuntirdi.
Unga koʻra, "Obod qishloq" va "Obod mahalla" dasturlariga respublika boʻyicha jami ajratilgan tegishli mablagʻlar hududlarga mavjud mahallalar va aholi sonidan kelib chiqib taqsimlanadi;
Har bir mahalla fuqarolar yigʻini raislari umumiy qiymati 8 mlrd soʻmdan oshmagan takliflardan iborat loyihalar paketini shakllantiradi hamda "Ochiq byudjet" axborot portaliga kiritadi;
Shakllantirilgan loyihalarni tuman (shahar) hokimliklari qoshida tashkil etilgan maxsus komissiya oʻrganib chiqib, saralagan holda ovoz berish jarayoniga oʻtkazadi;
Fuqarolar "Ochiq byudjet" portaliga kirgan holda shaxsiy kabinetlari orqali ovoz berishda loyiha bilan bir vaqtda tadbirlar uchun ham ovoz beradi.