Buxorodagi choʻlda ayol bir guruh erkaklar tomonidan zoʻrlandi
Mazkur holat yuzasidan jinoyat ishi qoʻzgʻatilib, ish yuzasidan gumon qilinuvchi 3 nafar shaxslar ushlangan.
Tarmoqlarda bir ayolni bir necha shaxslar kuch ishlatish yoʻli bilan zoʻrlamoqchi boʻlayotganliklari aks etgan video tarqaldi.
Maʼlum qilinishicha, ushbu holat Buxoro viloyati Ichki ishlar boshqarmasi masʼul xodimlari tomonidan oʻrganilganda aniqlanishicha, 2023 yilning 30 mart kuni soat taxminan 13:00 larda Gʻijduvon tumani "Sarmijon" mahallasida yashovchi, 1994 yilda tugʻilgan D.B. tanishi shu mahallada yashovchi, 1991 yilda tugʻilgan S.G. ismli ayolni tumanning "Qoraxoni" mahallasi "Jilvon" choʻl hududiga olib borib, uning erkiga zid ravishda jinsiy aloqada boʻlib, oʻzi bilan birga borgan sherigi tomonidan holatni video tasvirga olib, ushbu video tasvir orqali uni oʻziga qaram qilib, yonida boʻlgan boshqa 3 nafar tanishlari bilan ham jinsiy aloqada boʻlishga majbur qilgan.
Mazkur holat yuzasidan Oʻzbekiston Respublikasi Jinoyat Kodeksining 121-moddasi 2-qismi bilan jinoyat ishi qoʻzgʻatilib, ish yuzasidan gumon qilinuvchi 3 nafar shaxslar Oʻzbekiston Respublikasi JPK. ning 221-moddasi tartibida ushlanib, dastlabki tergov harakatlari davom ettirilmoqda.
