Xalq demokratik partiyasidan Prezidentlikka nomzod taklifi berildi
Xalq demokratik partiyasidan Inoyatov Ulugʻbek Ilyasovich nomzodi prezidentlikka nomzod sifatida partiyaning Qurultoyida koʻrib chiqish uchun maʼqullandi.
Bugun, 12 may kuni Oʻzbekiston Xalq demokratik partiyasi Markaziy Kengashining navbatdan tashqari plenumi boʻlib oʻtdi.
Plenumda 2023 yil 9 iyul kuni oʻtkazilishi belgilangan Oʻzbekiston Respublikasi Prezidenti saylovida Oʻzbekiston Xalq demokratik partiyasining ishtiroki toʻgʻrisida masala muhokama etildi.
Oʻzbekiston Respublikasi Prezidentligiga partiya elektorati, tarafdor va faollari tomonidan tavsiya etilgan Inoyatov Ulugʻbek Ilyasovich nomzodi partiyaning Qurultoyida koʻrib chiqish uchun maʼqullandi.
Eslatib oʻtamiz, avvalroq Oʻzbekiston Ekopartiyasidan Abdushukur Xamzayev nomzodi koʻrsatilgani haqida xabar bergandik.