Robaxon Mahmudovaning sudyalik vakolatlari toʻxtatildi
Sudyalar oliy malaka hayʼati prezidentlikka nomzod boʻladigan Oʻzbekiston Oliy sudi raisining birinchi oʻrinbosari Robaxon Mahmudovaning sudyalik vakolatlarini toʻxtatib turish toʻgʻrisida qaror qabul qildi.
2023 yil 12 may kuni Oʻzbekiston Respublikasi "Adolat" sotsial-demokratik partiyasi Plenumida mazkur partiyadan Oʻzbekiston Respublikasi Prezidentligiga boʻlajak nomzod sifatida Robaxon Anvarovna Maxmudova nomzodi ilgari surildi.
Qonunchilikka koʻra sudya siyosiy faoliyat bilan shugʻullanishga haqli emas.
Saylov kodeksiga asosan siyosiy partiya Oʻzbekiston Respublikasi Prezidentligiga oʻz partiyasi aʼzolari orasidan yoki partiyasizni nomzod etib koʻrsatishga vakolatlidir.
Shu munosabat bilan bugun Sudyalar oliy malaka hayʼati R. A. Maxmudovaning arizasi va sud qonunchiligiga muvofiq Oʻzbekiston Respublikasi Oliy sudi raisining birinchi oʻrinbosari – maʼmuriy sudlov hayʼatining raisi R. A. Maxmudovaning sudyalik vakolatlarini toʻxtatib turish haqida qaror qabul qildi.
