Oʻzbekiston Ekopartiyasining Prezidentlikka nomzodi maʼlum boʻldi
Ekopartiya Oʻzbekiston Respublikasi Prezidenti lavozimiga nomzod etib partiya Markaziy Kengashi Ijroiya qoʻmitasi raisi Xamzayev Abdushukur Xudoykulovichni koʻrsatish boʻyicha qaror qabul qildi.
Bugun, 11 may kuni Oʻzbekiston Ekologik partiyasi Markaziy Kengashining navbatdan tashqari plenumi boʻlib oʻtdi.
Plenumda Oʻzbekiston Ekologik partiyasining boʻlajak sʼezdida Oʻzbekiston Respublikasi Prezidenti lavozimiga nomzod etib partiya Markaziy Kengashi Ijroiya qoʻmitasi raisi Xamzayev Abdushukur Xudoykulovichni koʻrsatish boʻyicha qaror qabul qilindi.
Eslatib oʻtamiz, Oʻzbekiston Respublikasi Prezidenti Shavkat Mirziyoyev farmoni bilan 2023 yil 9 iyul kuni muddatidan ilgari prezident saylovi boʻlib oʻtadi.