Endi metroda erkaklar va ayollar alohida navbatda turadimi?
Ijtimoiy tarmoqlarda Beruniy bekatida “xodim” tomonidan erkaklar va ayollar alohida navbatda turilishi soʻralgan shakldagi maʼlumotlar tarqalmoqda.
“Toshkent metropoliteni” ushbu maʼlumot yuzasidan rasmiy maʼlumot berdi.
“Ushbu maʼlumot hech qanday haqiqatga toʻgʻri kelmaydi va Oʻzbekiston Respublikasi IIV xodimi oʻz lavozim yoʻriqnomasiga amal qilgan holda kassa oldida jamoat tartibini saqlash boʻyicha oʻz faoliyatini olib borgan.
Shuningdek, yoʻlovchilarimizdan bu kabi yolgʻon maʼlumotlarni oʻzaro tarqatmasliklarini hamda yolgʻon maʼlumotlarni tarqatganlar qonunchilikda belgilangan tartibda javobgarlikka tortilishini maʼlum qilamiz".