Toshkentda Qatar elchixonasi ochildi

Oʻzbekiston poytaxtida Qatar davlatining elchixonasi paydo boʻldi.

Tashqi ishlar vazirining aytishicha, bu qadam “mamlakatlar oʻrtasidagi munosabatlarni yangi darajaga olib chiqadi”. Qolaversa, Oʻzbekistonda Qatar elchixonasining ish boshlashi oʻzaro manfaatli hamkorlik ufqlarini kengaytiradi, savdo va investitsiyalar hajmini oshiradi hamda ikki xalq oʻrtasidagi aloqalarni mustahkamlaydi. Oʻzbekiston tomoni Qatarga arab dunyosidagi muhim va ishonchli hamkor sifatida qaraydi.

Shuningdek, Baxtiyor Saidov, Qatar tashqi ishlar davlat vaziri Sulton bin Saʼad al-Murayhiy bilan ham uchrashdi. Tomonlar hamkorlikdagi loyihalar istiqboli, siyosiy muloqotning faollashuvi, madaniy-gumanitar va sayyohlik almashuvlari hamda boshqa koʻplab muhim masalalarni muhokama qilishdi.