Bugun 5-6 ballik magnit boʻronlari boʻlishi kutilmoqda
Kutilayotgan G4 darajadagi 5-6 ballik magnit boʻroni faolligi tush paytiga toʻgʻri keladi.
“Oʻzgidromet” markazi tarkibidagi "Meteoinfocom" davlat muassasasi maʼlumotiga koʻra, bugun kuzatilayotgan magnit boʻronining G4 darajadagi yuqori faolligi tush paytida boʻladi. Shu bois bu omilning organizmga salbiy taʼsirini kamaytirish maqsadida, ovqatlanish ratsionlariga baliq va koʻkat mahsulotlarini kiritish, isteʼmol qilish tavsiya etiladi.
Magnit boʻronlari G4 darajali davrda ayrimlarda bosh qismining orqa tomoni va peshonada kuchsiz ogʻrish kuzatiladi. Bu paytda shu kabi insonlarga kamroq harakat qilish hamda uyda koʻproq oʻtirish tavsiya etiladi. Bu vaqt oraligʻida yuqoridagi omilni oʻzida sezayotgan kishilarga chekish, alkogol mahsulotlari va kofe ichish hamda jismoniy zoʻriqish tavsiya etilmaydi.