"Chimyon"da adashib qolgan fuqarolar qutqarildi
Yoʻldan adashgan fuqarolar “Katta Chimyon” togʻining dengiz sathidan 2800 metr balandlikdagi “Oqsoy” hududidan topilib, maxsus asbob-anjomlar yordamida sogʻ-salomat olib tushilgan.
Kecha, 6 may kuni soat 12:09 da Toshkent viloyati FVBga ikki nafar fuqaro “Chimyon” togʻlariga dam olish maqsadida chiqib, adashib qolganligi toʻgʻrisida xabar kelib tushgan.
Zudlik bilan aytilgan manzilga FVVning Chimyon yongʻin-qutqaruv otryadi qutqaruvchilari yetib borib, qidiruv-qutqaruv ishlarini olib borgan. Amalga oshirilgan tezkor hararkatlar natijasida yoʻldan adashgan fuqarolar “Katta Chimyon” togʻining dengiz sathidan 2800 metr balandlikdagi “Oqsoy” hududidan topilib, maxsus asbob-anjomlar yordamida sogʻ-salomat olib tushildi.
"Hodisa oqibatida tan jarohati olgan va halok boʻlganlar yoʻq", deyiladi xabarda.