Urush qatnashchilariga 1,6 ming dollardan pul beriladi
Bu haqda 9 may — Xotira va qadrlash kuni umumxalq bayrami arafasida imzolangan Prezident farmonida belgilandi.
Mamlakatimizda 9 may – Xotira va qadrlash kuni umumxalq bayrami sifatida keng nishonlanishi, shuningdek, Ikkinchi jahon urushida halok boʻlgan ajdodlarimiz xotirasini abadiylashtirish, bugun ham safimizda turib, Vatanimizning obroʻ-eʼtiborini yuksaltirishga, yoshlarni maʼnaviy-axloqiy jihatdan tarbiyalashga hissa qoʻshayotgan faxriylarni eʼzozlash hamda fashizm ustidan qozonilgan gʻalabaning 78 yilligi munosabati bilan urush qatnashchilari va nogironlarini moddiy ragʻbatlantirish maqsadida Prezident farmoni imzolandi.
Farmonga koʻra, ikkinchi jahon urushi qatnashchilari va nogironlarining har biriga 18 million soʻm (salkam 1,6 ming dollar) miqdorida bir martalik pul mukofoti beriladi.
Sarf-xarajatlar davlat byudjeti mablagʻlari hisobidan amalga oshirilishi belgilangan.