Qoʻqonda talabalar turar joyi qurilishida meʼyorlar buzilgani fosh boʻldi
Qurilish talabi buzilganligi uchun "Maʼmuriy javobgarlik toʻgʻrisida"gi kodeksning 99-moddasi 1-bandi boʻyicha maʼmuriy bayonnoma rasmiylashtirildi va obektda qurilish-montaj ishlari toʻxtatildi.
Fargʻona viloyati Qurilish va uy-joy kommunal xoʻjaligi sohasida hududiy nazorat inspeksiyasi tomonidan Qoʻqon shahar "Movarounnahr" koʻchasi hududida buyurtmachi "The Best servise" tomonidan qurilayotgan Talabalar uchun turar joyi obʼektida monitoring oʻtkazildi.
Obʼektda quyidagi qoidabuzarliklar aniqlandi:
- binoning toʻrtinchi qavatida bajarilgan seysmik belbogʻ karkas xomutlari loyiha hujjatida koʻrsatilgan talab asosida bajarilmagan.
- obʼektning toʻrtinchi qavatida ichki gʻisht terish ishlarida vertikal choklar qorishma bilan yetarli darajada toʻldirilmagan.
- mualliflik nazorat ishlari sifatsiz bajarilgan;
Qoidabuzarliklar yuzasidan buyurtmachi tashkilot rahbariga nisbatan obʼektda loyiha talabi buzilganligi uchun "Maʼmuriy javobgarlik toʻgʻrisida"gi kodeksning 99-moddasi 1-bandi boʻyicha maʼmuriy bayonnoma rasmiylashtirildi va qoidabuzarliklar bartaraf etilgunga qadar obʼektda qurilish-montaj ishlari toʻxtatildi.