Toshkent shahrini maktab oʻquvchisi sotuvga qoʻygani maʼlum boʻldi
U bu ishni shunchaki hazil uchun qilganini, bunday salbiy muhokamalar keltirib chiqarishi mumkinligini oʻylab koʻrmaganini qayd etdi.
15 yoshli A.A. "OLX" savdo platformasida "Toshkent shahri sotiladi!" mazmunida eʼlon joylashtirgan va uning boshlangʻich narxini 250 milliard AQSh dollari deb belgilagan.
Ushbu eʼlon koʻpchilikning diqqat markazida boʻlib, turli muhokamalarga sabab boʻlgandi.
"OLX" savdo platformasi bosh direktori Doniyorbek Turgʻunovning aytishicha, eʼlon bir necha daqiqadan soʻng bloklangan. Mutaxassis foydalanuvchilardan eʼlonlarni joylashtirishda barcha maʼlumotlar toʻgʻri va haqqoniy boʻlishiga eʼtibor qaratishlarini soʻragan.
Olib borilgan surishtiruv natijalarida, ushbu eʼlonni 8-cinf oʻquvchisi qoʻyganligi maʼlum boʻldi. Uning aytishicha, u bu ishni shunchaki hazil uchun qilganini, bunday salbiy muhokamalar keltirib chiqarishi mumkinligini oʻylab koʻrmaganini qayd etgan.
