"Mening yoʻlim" loyihasining taklif kiritish bosqichi jarayoni yakunlandi
Respublika boʻyicha 10 317 ta tashabbusli taklif roʻyxatga olindi. Kiritilgan takliflarga ovoz berish jarayoni 7 may kuni soat 18:00ga qadar davom etadi.
27 aprel kuni soat 18-00da "Ochiq byudjet" axborot portalida eʼlon qilingan "Mening yoʻlim" loyihasining joriy yilgi mavsumiga taklif kiritish jarayoni yakunlandi.
Tuman (shahar) byudjetlarida hududiy ichki yoʻllarni taʼmirlash uchun rejalashtirilgan mablagʻlarning kamida 50% qismini fuqarolar fikri asosida yoʻnaltirilishini taʼminlash maqsadida tashkil etilgan loyihaning ushbu mavsumi uchun respublika boʻyicha 10 317 ta tashabbusli taklif roʻyxatga olindi.
Kiritilgan takliflarga ovoz berish jarayoni bugundan boshlanib, 7 may kuni soat 18:00 ga qadar davom etadi.
Eslatib oʻtamiz, "Mening yoʻlim" loyihasining joriy yilgi mavsumini moliyalashtirish uchun byudjetdan 312 mlrd soʻmdan ortiq mablagʻ ajratilgan.