Bu yil Andijon, Namangan, Buxoro va Urganch aeroportlari boshqaruvi xususiy sektorga topshiriladi
Prezident Shavkat Mirziyoyev ayni paytda boʻlib oʻtayotgan ikkinchi Toshkent xalqaro investitsiya forumida yaqin-yaqingacha iqtisodiyotning muhim tarmoqlari faqat davlat korxonalaridan iborat boʻlganini, hozir esa vaziyat butkul oʻzgarganini maʼlum qildi.
Qayd etilishicha, islohotlar natijasida oldinlari “yopiq” boʻlgan tarmoqlarga xususiy investitsiyalar faol kirib kelmoqda.
Misol uchun, avval 100 foiz davlat tarmogʻi hisoblangan aviatsiya sohasida xususiy sektorga keng yoʻl ochildi.
“Biz transport sohasida raqobat muhitini yaratishga qaratilgan islohotlarni davom ettiramiz. Bu yil Andijon, Namangan, Buxoro va Urganch aeroportlari boshqaruvini ham xususiy sektorga topshiramiz.
Temir yoʻl sohasida ham katta oʻzgarishlarni boshlayapmiz va bunda investorlar faol ishtirok etishlarini soʻrab qolaman”, - dedi Prezident.
