Samarqandda Angliyaga ishga yuborishni vaʼda qilgan firibgar ushlandi
Camarqand viloyatining Kattaqoʻrgʻon tumanida fuqaroni chet elga yuborishni vaʼda qilgan firibgar qoʻlga olindi.
Bosh prokuratura huzuridagi Departamentning Kattaqoʻrgʻon tuman boʻlimi tomonidan fuqarolarning huquq va manfaatlarini himoya qilish yuzasidan oʻtkazilgan tergovga qadar tekshiruvda, fuqaro M.Q. fuqaro T.Sh.ning oʻgʻli va yaqin qarindoshini Angliya davlatiga ishga yuborish evaziga firibgarlik yoʻli bilan 3 000 AQSh dollarini qoʻlga kiritganligi aniqlanib, ushbu pullar hisobidan 800 AQSh dollarni qaytarganligi protsessual tartibda rasmiylashtirilgan.
Mazkur holat yuzasidan Jinoyat kodeksining 168-moddasi (firibgarlik) bilan jinoyat ishi qoʻzgʻatilib, tergov harakatlari oʻtkazilmoqda.