CAFA Nations Cup xalqaro turniriga qurʼa tashlandi

Bugun, CAFAning bosh ofisi joylashgan Tojikiston poytaxti Dushanbe shahrida ilk marta oʻtkazilayotgan CAFA Nations Cup xalqaro turniriga qurʼa tashlandi.

Ushbu musobaqada jami 7 milliy jamoa ishtirok etadi.

Qurʼaga koʻra, Toshkent mezbonligida oʻtadigan "A" guruhidan Oʻzbekiston milliy jamoasi, Tojikiston, Turkmaniston va Ummon joy oldi.

Bishkek mezbonligidagi "V" guruhidan esa Qirgʻiziston, Eron va Afgʻoniston oʻrin oldi.

Maʼlumot uchun, guruh bosqichi 10-11, 13-14, 16-17 iyun kunlari boʻlib oʻtadi. Final va 3-oʻrin uchun oʻyin esa 20 iyun kuni Toshkentda boʻlib oʻtadi.