Toshkent yer usti metrosining yana beshta bekati yoʻlovchi tashishni boshladi

Yer usti xalqa metro yoʻlining II bosqichi doirasida qurib bitkazilgan 5 ta bekatda yoʻlovchi tashuvlari boshlandi.

"Qoʻyliq – Quruvchilar" uchastkasida qurilish ishlari tugatilgan 5 ta bekat umumiy uzunligi 7,74 kilometr. Shunday qilib, Toshkent metropolitenining bekatlari soni 48 taga yetdi.

Yer usti metrosi qurilishining ikkinchi bosqichi toʻliq yakunlanishi bilan Toshkent metropolitenining jami uzunligi 70 kilometrdan ziyod, bekatlar soni 50 ta boʻladi.