Fargʻonada sodir boʻlgan YTHda ikki nafar yoʻlovchi halok boʻldi
Internet ijtimoiy tarmoqlarida tarqalgan Qoʻqon shahrida sodir boʻlgan yoʻl-transport hodisasi oqibatida 5 kishi vafot etganligi haqidagi xabar tarqaldi. Holat boʻyicha Fargʻona viloyati IIB maʼlumot berdi.
Maʼlum qilinishicha, voqea 22 aprel kuni soat 08:00 larda berilgan dastlabki xabarga koʻra, haydovchi 1998 yilda tugʻilgan A.T Gentra rusumli avtomashinani shaharning Turkiston-Poʻstindoʻz koʻchalari kesishgan chorrahada boshqarib kelayotgan vaqtda, 1972 yilda tugʻilgan B.X boshqaruvidagi Mercedes-Benz rusumli avtomashina 2-darajali yoʻldan chiqib kelishi natijasida YTX sodir boʻlgan.
Natijada Mercedes-Benz avtomashinasida boʻlgan 2 nafar yoʻlovchilar ogʻir tan jarohati olib, vafot etgan.
Haydovchilar A.T va B.X.lar tan jarohati olib, shifoxonaga yotqizilgan. Holat yuzasidan tergovga qadar tekshiruv harakatlari olib borilmoqda.
