Toshkentda voyaga yetmagan qizga tegajoqlik qilgan fuqaroning shaxsi aniqlandi
Aniqlanishicha, joriy yilning 19 aprel kuni taxminan soat 12.50 larda 2005 yilda tugʻilgan Z.B. Mirobod tumani, Inoqobod koʻchasida uyiga qaytayotgan vaqtida orqasidan 1997 yilda tugʻilgan Samarqand viloyati Oqdaryo tumanida yashovchi Ozod O. kelib, quchoqlab, yuzidan oʻpib qoʻyib yuborgan va voqea joyidan qochib ketgan. Oʻtkazilgan tezkor tadbir natijasida Ozod O. ushlangan.
Tekshiruv jarayonida Ozod O. tomonidan Z.B.ning hech qanday buyumlari olib qoʻyilmaganligi maʼlum boʻldi.
Mazkur holat yuzasidan tergovga qadar tekshiruv oʻtkazilmoqda. Tekshiruv natijasi boʻyicha qonuniy qaror qabul qilinishi taʼminlanadi.