“Qashqadaryoda 14 yoshli qizning kaltaklanishi”ga nisbatan jinoyat ishi qoʻzgʻatildi

“Holat yuzasidan Jinoyat kodeksining 110-moddasi (Qiynash) bilan jinoyat ishi qoʻzgʻatilgan. Hozirda bir nafar gumonlanuvchi shaxs protsessual tartibda ushlandi. Tergov harakatlari olib borilmoqda” deya xabar berdi Bosh prokuratura matbuot kotibi Xayot Shamsutdinov.

Eslatib oʻtamiz: joriy yil 11 aprelda “Xotin-qizlar va bolalar huquqlari, erkinliklari hamda qonuniy manfaatlarini ishonchli himoya qilish tizimi yanada takomillashtirilishi munosabati bilan ayrim qonun hujjatlariga oʻzgartish va qoʻshimchalar kiritish toʻgʻrisida”gi qonun (OʻRQ–829-son, 11.04.2023 yil) Prezident tomonidan imzolangan. Qonunda oilaviy (maishiy) zoʻravonlik uchun javobgarlik kiritilgan.