Toshkent metrosining 7-bekati bir kunga yopiladi

Toshkent metrosining Yer usti halqa yoʻli 7-bekatida 19 aprel kuni poyezdlar harakati bir kunga toʻxtatiladi. Bu haqda "Toshkent metropoliteni" DUK axborot xizmati xabar berdi.

Shu munosabat bilan ushbu yangi bekatlarni I bosqichda barpo etilgan bekatlar bilan texnik jihatdan oʻzaro bogʻlash maqsadida joriy yilning 19 aprel sanasida yerusti halqa yoʻlining 7-bekatida (Qoʻyliq) poyezdlar harakati toʻxtatiladi.

Maʼlum qilinishicha, poyezdlar harakati "Doʻstlik-2"—"6-bekat" oraligʻida tashkil etiladi. Shuningdek, yoʻlovchilar uchun 6-bekatdan 7-bekatga qadar qoʻshimcha avtobuslar harakati yoʻlga qoʻyiladi.