Gapirish va eshitishda nuqsoni boʻlsa-da, ammo qoʻli gul yosh hunarmand

Andijon viloyatining Marhamat tumanida joylashgan Boboxuroson mahallasida 1530 ta istiqomat qiladi. Ulardan biri Roʻzimuhammad Poʻlatov. 27 yoshli qahramonimiz II guruh nogironi. Gapirishda va eshitishda nuqsoni boʻlgan yigitning qoʻligul. U hunarmandchilik bilan 3 yildan buyon shugʻullanib keladi.
Buyumlar yasab daromad qilishni istagan ustaga mablagʻ kerak boʻladi. Bu jarayonda mahallaning yoshlar yetakchisi yordamini koʻrsatgan.

Hunarmandning turmush oʻrtogʻi Oʻktamoy HUSANBOYeVA turmush oʻrtogʻiga ishlarini yoʻlga qoʻyib olish uchun 5 million soʻmlik subsidiya ajratilganini, bu mablagʻga zarur boʻlgan yogʻochlar, taxta anjomlar olinganini maʼlum qildi.

Yosh oilaga yetakchi tavsiyasiga binoan 10 sotix yer ham ajratilgan. Unda oila oʻzi uchun kerak boʻlgan roʻzgʻor mahsulotlarini ekkan.
Berilgan imtiyozlardan unumli foydalanishni boshlagan yosh otaning oylik daromadi 2 million soʻm. Ammo qahramonimiz faqat shu mablagʻ bilan toʻxtab qolmoqchi emas. U kelajakda hunarmandlar markazini tashkil qilib, sohaga qiziqqan ishsiz yoshlarning ham bandligini taʼminlamoqchi. Bu masalada ham yoshlar yetakchisi birinchilardan boʻlib yordam berish niyatida.

Turmush oʻrtogʻining faoliyatidan ruhlangan Oʻktamoy yoshlar yetakchisiga "menga ham subsidiya ajrating" deya murojaat qildi.
Maqsad esa kelinlar sarposi uchun koʻrpa-toʻshaklar tikib sotish. Oʻktamoyning ham maqsadi amalga oshib, samimiy, mehnatkash va maqsadlari ulkan boʻlgan yosh oila bugungi kunda berilayotgan mavjud imkoniyatlardan unumli foydalanmoqda.