Andijonda hokim oʻrinbosari 5,3 mln soʻm pora bilan ushlandi
Andijonda Izboskan tuman hokimi oʻrinbosari A.K. jinoyat ustida qoʻlga olindi.
Bosh prokuratura xabar berishicha, Izboskan tumani hokimining investitsiya sanoat va savdo yoʻnalishi boʻyicha oʻrinbosari himoya hududidagi yer maydonini amaldagi tartibni buzgan holda sotib olib berishni evaziga 5,3 mln soʻm olgan vaqtida ushlangan.
Unga nisbatan Jinoyat kodeksining 168-moddasi (Firibgarlik) bilan jinoyat ishi qoʻzgʻatilgan. Tergov harakatlari olib borilmoqda.