Oʻzbekiston oltin zaxirasi fevralda 8,1 tonnaga oshdi
Oʻzbekiston fevralda eng koʻp oltin sotib olgan davlatlardan biri boʻldi. Bu haqda Jahon Oltin Kengashi xabar berdi.
Manbaga koʻra, 2023 yilning fevral oyida jahon markaziy banklari 52 tonna oltin sotib olgan. Eng yirik xaridlarni Xitoy va Turkiya amalga oshirgan — mos ravishda 24,9 tonna va 22,5 tonna.
Fevral oyida eng koʻp oltin sotgan mamlakat Qozogʻiston boʻldi — 13,1 tonna.
Maʼlumot uchun, Oʻzbekiston esa 8,1 tonna oltin sotib olgan. Shuningdek, Singapur (7 tonna) va Hindiston (3 tonna) markaziy banklari ham qimmatbaho metall xaridini amalga oshirgan.
