Bosh prokuratura anonim shaxslar murojaatidan ogohlantirmoqda
Soʻnggi kunlarda yirik internet nashrlari va blogerlarga mavhum sahifa (profil) lardan anonim shaxslar murojaat qilib, ular orqali prokuratura organlari xodimlari hamda prokuratura tizimini obroʻsizlantirish va qoralashga qaratilgan feyk xabarlarni yoritish boʻyicha urinishlar kuzatilmoqda.
Taʼkidlash kerakki, Oʻzbekiston qonunchiligida yolgʻon va notoʻgʻri axborotlarni tarqatganlik uchun jinoiy javobgarlik belgilangan.
Shu bilan birga, “Jismoniy va yuridik shaxslarning murojaatlari toʻgʻrisida”gi Oʻzbekiston Respublikasi Qonunining 29-moddasida anonim murojaatlar koʻrib chiqilmasligi qatʼiyan qayd etilgan.
