Aholini arzon uy-joy bilan taʼminlash uchun qurilish tannarxi pasaytiriladi
Davlatimiz rahbari ayni paytda boʻlib oʻtayotgan yigʻilishda aholini arzon uy-joy bilan taʼminlash uchun qurilish tannarxini pasaytirish zarurligi alohida taʼkidladi.
Shu maqsadda:
- 2025 yilga qadar yogʻoch, fanera, yogʻochli opalubka va oynani import qilishda bojxona bojini bekor qilish;
- yuqori markali sement boʻyicha bojxona boji imtiyozini yana 1 yilga uzaytirish (buning hisobiga uy-joy qurish tannarxi 5 foizgacha pasayadi);
- pudrat tashkilotlariga qurilayotgan uyni qavatma-qavat garovga qoʻyish va har bir qavati uchun kredit olish huquqini berish;
- banklar beradigan kreditlarni davlat tomonidan qayta moliyalash amaliyotini davom ettirish;
- quruvchilarga kafillik va kompensatsiya toʻlash tartibini takomillashtirish;
- aholiga oʻz uyini energiya tejamkor materiallardan foydalanib taʼmirlashiga 10 yilga 16,5 foizdan 80 million soʻmgacha kredit berishga qaror qilindi.