2023 yilda 31 ming oilaga uy-joy ipotekasi uchun 9 trillion soʻm ajratiladi
Bu haqda Prezident ayni paytda boʻlib oʻtayotgan yigʻilishda maʼlum qildi.
Bundan tashqari 2023 yilda:
- dastlabki badal uchun va foizlarni qoplashga 1,6 trillion soʻm subsidiya ajratish;
- ipoteka kreditiga resurs berish va qurilish korxonalarining aylanma mablagʻlarini koʻpaytirish uchun 100 million dollar va 1 trillion soʻm qoʻshimcha mablagʻ ajratish;
- yana 20 ming oilaga banklar hisobidan 5,7 trillion soʻm ipoteka krediti ajratilishini taʼminlash;
- Ipotekani qayta moliyalashtirish kompaniyasi orqali aholiga 5,5 mingta xonadon sotib olishlari uchun qoʻshimcha 1,7 trillion soʻm kredit resurslari yoʻnaltirish topshirildi.
Tijorat banklari balansida ipotekadan qaytishi kerak boʻlgan mablagʻlarni aktiv sifatida ishlatib, ipoteka obligatsiyasini chiqarish orqali qoʻshimcha 10 trillion soʻm resurs jalb qilishi mumkinligi koʻrsatib oʻtildi.
Mutasaddilarga ikki oy muddatda “Ipoteka obligatsiyasi toʻgʻrisida” qonun loyihasini kiritishga koʻrsatma berildi.