Turkiyada oʻldirilgan oʻzbekistonlik marhumaning jasadi yurtimizga olib kelindi
Joriy yilning 24 mart kuni Oʻzbekiston fuqarosi - 40 yoshli Tulyaganova Umida Istanbul viloyati Baxchelievler tumanida birgalikda yashab kelgan Turkiya fuqarosi - 61 yoshli Riza Beler tomonidan yashash xonadonida shavqatsizlarcha oʻldirilganligi haqida Turkiya OAVda maʼlumot berilgan edi.
Aniqlanishicha marxum U.Tulyaganova R.Beler bilan taxminan 3 yildan buyon birga yashab kelgan boʻlib, oʻrtalarida uzoq vaqtdan beri davom etib kelgan kelishmovchilik tufayli R.Beler uni qasddan oʻldirishni oldindan rejalashtirgan.
Holat yuzasidan qoʻzgʻatilgan jinoyat ishi boʻyicha hibsga olingan R.Beler oʻz aybiga iqror boʻlgan.
29 mart kuni marxumning jasadini Oʻzbekistonga yuborish va yaqinlariga topshirishda Bosh konsulxona tomonidan yaqindan amaliy yordam koʻrsatildi.
Bosh konsulxona R.Belerga nisbatan jazo muqarrarligi taʼminlanishini alohida kuzatib bormoqda.