“Xorazm ishi” boʻyicha protest 6 aprel kuni yopiq sud majlisida koʻrib chiqiladi
Bugun Oliy sudning jinoyat ishlari boʻyicha sudlov hayʼatiga Xorazm viloyat sudi jinoyat ishlari boʻyicha sudlov hayʼati apellyatsiya instansiyasining 2022 yil 27 dekabrdagi ajrimini A. M. va A. Q. ga oid qismini bekor qilib, ishni yangitdan apellyatsiya instansiyasi sudida koʻrish uchun yuborish toʻgʻrisidagi Xorazm viloyat prokuraturasining kassatsiya tartibidagi protesti kelib tushdi.
Ushbu protest Oliy sudning jinoyat ishlari boʻyicha sudlov hayʼatida kassatsiya tartibida joriy yilning 6 aprel kuni Jinoyat-protsessual kodeksining 19-moddasi (sudda jinoyat ishlarining oshkora koʻrilishi) talablariga muvofiq yopiq sud majlisida koʻrib chiqilishi maʼlum qilinadi.
"Qoʻshimcha maʼlumot sud jarayoni yakuni boʻyicha beriladi", - deyiladi xabarda.
