Toshkent hokimi oʻzi imzolagan qarorni 4 kun oʻtib bekor qildi

Bekor boʻlgan hujjatga koʻra, targʻibot guruhi tarkibida 1000 dan ortiq kishi, jumladan, oqsoqollar, oʻqituvchi, shifokor, yoshlar yetakchilari, hokim yordamchilari va boshqalar bor edi. Ularga 11 mingdan ziyod mahalla faollari yordam berishi kerak edi.

Shuningdek, guruhlar tarkibiga:

• hokim maslahatchisi Akmal Roʻzitoyev;
• Toshkent shahri tibbiy-ijtimoiy xizmatlarni rivojlantirish boshqarmasi boshligʻi vazifasini vaqtincha bajaruvchi Raxat Nabiyeva;
• Din ishlari boʻyicha qoʻmitaning xotin-qizlar bilan ishlash va targʻibot guruhlarini muvofiqlashtirish boʻlimi bosh mutaxassisi Omila Aripova;
• "Milliy tiklanish" partiyasi Toshkent shahri kengashi raisi Otabek Jiyanboyev;
• xalq deputatlari Toshkent shahri kengashi deputati Toshpoʻlat Matiboyev;
• Toshkent pediatriya tibbiyot instituti rektori Botir Daminov va boshqalar ham kiritilgandi.

Hujjatning bekor qilinish sababi hozircha nomaʼlum.