Diyorbek Ermatov ogʻir atletika boʻyicha jahon chempionatida 3 ta medalni qoʻlga kiritdi

Durres shahrida (Albaniya) ogʻir atletika boʻyicha oʻsmirlar oʻrtasida oʻtkazilgan jahon chempionatida oʻzbekistonlik Diyorbek Ermatov bitta oltin va ikkita bronza medalini qoʻlga kiritdi. Bu haqda Milliy olimpiya qoʻmitasi xabar berdi.

-81 kg vazn toifasida supaga chiqqan Ermatov dast koʻtarish mashqida 145 kg bilan eng yuqori natija koʻrsatdi.

Siltab koʻtarishdagi 169 kg (bronza) va ikki kurashdagi umumiy 314 kg (145+169) unga yakunda yana bir bronza medalini taqdim etdi.

Bahslarda birinchi oʻrinni gruziyalik Levan Ochigava (322 kg: 143+179) egallagan boʻlsa, ikkinchi oʻrinda janubiy koreyalik Da He Kvon (316 kg: 142+174) qayd etildi.