2023 yilda fuqarolar ilgari surgan loyihalarni moliyalashtirish davlatga 8 trln soʻmga tushadi

Iqtisodiyot va moliya vazirligi ochiqlagan maʼlumotlarga koʻra, davlat byudjetining 2023 yil 1 chorak xarajatlari 62,2 trln. soʻmni tashkil etmoqda. Shundan 29,3 trln. soʻmi ijtimoiy xarajatlarga yoʻnaltiriladi. Shu jumladan, “Tashabbusli byudjet” loyihasining 1-mavsumi uchun 1,5 trln soʻm byudjet mablagʻlari ajratilgan.

2023 yilda bevosita fuqarolar tomonidan ilgari surilgan loyihalarni moliyalashtirish uchun jami 8 trln. soʻm (2022 yilga nisbatan 3,5 barovarga koʻp) mablagʻlar yoʻnaltirilishi prognoz qilinmoqda.

Eslatib oʻtamiz: ijtimoiy tarmoqlarda joriy yilgi “Open byudjet” loyihasining 1 mavsumidagi ovoz yigʻish jarayoni koʻp muhokamalarga sabab boʻlyapti.