2023 yil uchun zakot nisobi, fitr sadaqa va fidya miqdori eʼlon qilindi
Oʻzbekiston musulmonlari idorasi Fatvo hayʼatining 2023 yilgi zakot nisobi, fitr sadaqa va fidya miqdori boʻyicha qarori qabul qilindi.
Unga koʻra, 2023 yilda zakot nisobi 35 million 700 ming soʻm etib belgilandi. Shu va shundan ortiq mablagʻga ega boʻlgan kishi jami daromadining qirqdan biri (2,5 foiz)ni ajratib, uni zakot niyatida ehtiyojmandlarga beradi.
Shuningdek, fitr sadaqasi va fidya miqdori ham belgilandi. Markaz xabariga koʻra:
- bugʻdoy 2 kilogramm — 12 ming soʻm;
- arpa 4 kilogramm — 20 ming soʻm;
- mayiz 2 kilogramm — 100 ming soʻm;
- xurmo 4 kilogramm — 180 ming soʻm.
"Har kim oʻz imkoniyatiga qarab ushbu toʻrt mahsulotning xohlagan bir turidan fitr sadaqasi yoki fidya miqdorini bersa kifoya qiladi", — deyiladi markaz xabarida