«Qamchiq» dovonida yuk mashinasi yonib ketdi
23 mart kuni «Qamchiq» dovonida yuk mashinasining kabina qismida yongʻin sodir boʻldi. Bu haqda FVV matbuot xizmati xabar berdi.
Maʼlum qilinishicha, soat16:55 da "Qamchiq" Maxsus qidiruv, yongʻin-qutqaruv boshqarmasiga A-373 avtomobil yoʻlining "Qamchiq" dovonidan oʻtgan 255 kilometrda “Vodiy-Toshkent” yoʻnalishi boʻyicha harakatlangan kalava ip ortilgan “IVEKO” rusumli yuk mashinasi kabina qismida yuzaga kelgan qisqa tutashuv natijasida yongʻin sodir boʻlgan.
FVV maʼlum qilishicha, zudlik bilan aytilgan manzilga 2 ta yongʻin-qutqaruv ekipaji yetib borib yongʻin bartaraf etilgan.
"Hodisa oqibatida tan jarohati olgan va halok boʻlganlar yoʻq", — deyiladi xabarda.